اداس رہنے کو تو سب اداس رہتے ہیں

اداس رہنے کو تو سب اداس رہتے ہیں
مری طرح سے مگر کب اداس رہتے ہیں
دکھائی دینا ہو جب خوش تو کیوں اداس رہیں
اداس رہنا ہو جب تب اداس رہتے ہیں


پرانے ڈھنگ سے کل ہم اداس رہتے تھے
نئے طریقے سے ہم اب اداس رہتے ہیں
سحر تا شام بہت خوش دکھائی دیں بھی تو کیا
اترنے لگتی ہے جب شب اداس رہتے ہیں


کسی کو رہنے نہیں دیتی ہے یہ دنیا خوش
اداسی کی ہے یہ مکتب اداس رہتے ہیں
اداس رہنا بھی خوش رہنے کے برابر ہے
سمجھ میں آ گیا یہ جب اداس رہتے ہیں


یہ چاند اور ستارے یہ پھول اور جگنو
کمالؔ اس کے لئے سب اداس رہتے ہیں