چاہت کی پہلی بارش

وہ جینے کی پہلی خواہش
وہ چاہت کی پہلی بارش
جس میں ہم دونوں بھیگے تھے
آنکھوں سے دل تک گیلے تھے


رونے میں مزہ آتا تھا بہت
کھونے میں مزہ آتا تھا بہت
قصہ لمبے تھے راتوں سے
جی بھرتا کب تھا باتوں سے


موسم پہ جوانی ہوتی تھی
ہر شام سہانی ہوتی تھی
ہم تھام کے بانہیں بانہوں میں
نکلے تھے وفا کی راہوں میں


اک موڑ پہ دونوں بچھڑے تھے
ارمان بھرے دل اجڑے تھے
دل لیکن یاد تو کرتا ہے
رو کر فریاد تو کرتا ہے


اے میت پرانے آ جاؤ
وہ دن دہرانے آ جاؤ