زندہ رہنے کی اذیت ہی نہیں ہے کچھ کم (ردیف .. ے)

زندہ رہنے کی اذیت ہی نہیں ہے کچھ کم
اور مرنے کا بھی اندیشہ لگا رہتا ہے
عکس در عکس سبھی قید ہوئے جاتے ہیں
اس کے دروازے پہ آئینہ لگا رہتا ہے


صرف اک تو ہی نہیں اپنے بدن کے ہم راہ
میرے پیچھے بھی کوئی سایہ لگا رہتا ہے
جمع ہوتے ہیں یہیں پر ترے بکھرے ہوئے خواب
ساحل چشم پہ اک میلہ لگا رہتا ہے


ختم ہوتی ہی نہیں ہے مری آشفتہ سری
اس گلی میں مرا سرمایہ لگا رہتا ہے