زمین تھامے رہوں سر پہ آسماں لے جاؤں

زمین تھامے رہوں سر پہ آسماں لے جاؤں
کہاں تلک میں یہ ہنگامۂ گماں لے جاؤں
چلو حساب وفاؤں کا کر لیا جائے
تمام نفع تمہارا ہو میں زیاں لے جاؤں


سبھی اداس ملے قہقہوں کی بستی میں
تو پھر میں کیوں نہ وہاں درد کی زباں لے جاؤں
تمہیں نے مجھ سے کہا تھا یہ عشق وشق ہے کیا
تمہیں بتاؤ میں یہ زندگی کہاں لے جاؤں


بدن سے روح تلک فاصلہ بہت ہوگا
سو اس سفر کے لئے میں بھی رخت جاں لے جاؤں