یقیں خود پہ اتنا بڑی بات ہے

یقیں خود پہ اتنا بڑی بات ہے
اکیلے تماشہ بڑی بات ہے
ہزاروں سے رشتہ نبھاتے ہوئے
کسی کا نہ ہونا بڑی بات ہے


ہمیں یوں بھی تم یاد رہ جاؤ گے
برابر کا دھوکا بڑی بات ہے
شکاری سے بچنے میں کیسا کمال
نشانے پہ رہنا بڑی بات ہے


ترے بے مروت لبوں سے کوئی
بہانہ بھی سننا بڑی بات ہے
بڑا کام ڈھارس بندھانا نہیں
برابر سے رونا بڑی بات ہے


ٹھکانے لگاؤں کہاں خاک کو
ہوا کا یہ کہنا بڑی بات ہے