وفا کا سر پہ مرے سائبان رہنے دے

وفا کا سر پہ مرے سائبان رہنے دے
مری زمیں پہ ترا آسمان رہنے دے
سبھی کے سامنے سچ کا بکھان رہنے دے
جو بد گماں ہیں انہیں بد گمان رہنے دے


کہو نہ جکڑے روایت کی بیڑیوں میں مجھے
مری طرح ہی مجھے خاندان رہنے دے
امیر شہر چلے گی تری ہی مرضی تو
عدالتوں میں گواہی بیان رہنے دے


وہ ہم سفر نہ بنے یہ قبول ہے مجھ کو
دعا سلام تو پر درمیان رہنے دے
تمام عمر کا مہماں نہ بن مرا لیکن
کچھ ایک دن تو ترا میزبان رہنے دے