تم جسے کہتے ہو خصلت مجھے لے ڈوبے گی

تم جسے کہتے ہو خصلت مجھے لے ڈوبے گی
سب کو خوش رکھنے کی حسرت مجھے لے ڈوبے گی
ہر گھڑی تیری ضرورت مجھے لے ڈوبے گی
تیری اتنی یہ عنایت مجھے لے ڈوبے گی


تنہا مجھ کو تو کبھی چھوڑ مرے ہمدم تو
تیری ہر لمحے کی عادت مجھے لے ڈوبے گی
مشورہ تیرا تجھے بھول میں جاؤں لیکن
تیری یادوں سے یہ مہلت مجھے لے ڈوبے گی


دریا ہوں میں مری فطرت ہے مسلسل بہنا
تیری چاہت کی یہ شدت مجھے لے ڈوبے گی
شہر میں تیرے محبت بھی بکا کرتی ہے
دل میں پیوست یہ الفت مجھے لے ڈوبے گی


اب چلن دیکھ کے دنیا کا یہی سمجھا ہوں
دور حاضر میں شرافت مجھے لے ڈوبے گی