تجھے خبر نہیں اے بے وفا ہزاروں نے

تجھے خبر نہیں اے بے وفا ہزاروں نے
حیات کاٹ دی رو رو کے غم کے ماروں نے
خزاں کو کس لیے الزام دوں بتاؤ ذرا
مرے چمن کو جلایا ہے جب بہاروں نے


ملوں میں چاند سے اپنے تو کس طرح سے ملوں
فلک کو گھیر لیا ہے کئی ستاروں نے
ہمارے ملک کی عظمت کو بیچ ڈالا ہے
ہمارے ملک کے کچھ جھوٹے تاجداروں نے


جدھر بھی دیکھوں مجھے تو دکھائی دیتا ہے
بنا کے رکھ دیا پاگل ترے اشاروں نے
ہمارے قتل کا کوئی ثبوت مل نہ سکا
کچھ ایسے قتل کیا ہم کو ہوشیاروں نے