تھے اک خدا کے سامنے اتنے پسارے ہاتھ

تھے اک خدا کے سامنے اتنے پسارے ہاتھ
اک دوسرے کی ڈور نہ آئی ہمارے ہاتھ
ساحل کی نرم ریت پہ کچھ دیر تو رکو
دریا مرا بدن ہے تو دونوں کنارے ہاتھ


رکھ کر ہمیں گھما دیا خواہش کے چاک پر
تم نے الگ ہی ڈھنگ سے تھامے ہمارے ہاتھ
ناحق ہماری جان کا تم نے زیاں کیا
پہلے بھی کم حسین نہیں تھے تمھارے ہاتھ


صحرا میں ہوں تو قیس برابر کھڑا ہوا
ریت آنکھوں میں پڑے کہ اب آئیں ستارے ہاتھ