سمجھ لو خوب یہ فتویٰ ابھی جاری نہیں ہے

سمجھ لو خوب یہ فتویٰ ابھی جاری نہیں ہے
جدا ہونا جدا ہونے کی تیاری نہیں ہے
بری ہے اس لئے بھی شہر کی صحت ہمارے
کسی کو عشق جیسی کوئی بیماری نہیں ہے


کہا تھا بے سبب دیکھو گے اپنوں کے جنازے
جئے جانے کی ضد کرنا سمجھ داری نہیں ہے
یہاں ہم چل دئے ہیں بات کہنے جان دینے
وہاں پر مسکرانے کی بھی تیاری نہیں ہے


وہی نشہ کیا ہے عشق کا نشہ دوبارہ
مگر اس بار اتنا میرا سر بھاری نہیں ہے