mujh sin aur dilruba sin hai an-ban
kya karun fan kuchh aawati nahin ban

kuchh nahin aati sarw-qad sin ban
phirta hon gard-baad jiyun ban ban

zulf teri siyah nagan hai
chhin leti hai har kisi ka man

dars sin alam ke hai dil bezar
khub-ruyan ka khub hai darshan

mujh kun wa'iz nako nasihat kar
yar jis sin mile batao fan

yak su 'yakru' ka hath pahunchta nahin
kyunke pakdega yar ka daman