موم کا یہ جسم میرا دھوپ کی یلغار ہے

موم کا یہ جسم میرا دھوپ کی یلغار ہے
وقت مشکل ہے مدد مولا تری درکار ہے
پھر تمہاری دید کا ترسا چلا جاؤں گا میں
پھر تمہارے شہر میں آنا مرا بے کار ہے


آنکھ نرگس چاند چہرہ زلف بادل لب گلاب
تو سراپا خالق کونین کا شہکار ہے
اس سے جو ملتا ہے اس کا ہو کے رہ جاتا ہے وہ
اس کی آنکھیں دلبرانہ اس کا چہرہ پیار ہے


جھوٹ بولوں گا تو میں اندر سے مارا جاؤں گا
سچ بھی کہتا ہوں تو گردن کے لیے تلوار ہے