افسردگی نکلے نہ جب افسردہ دلوں سے

افسردگی نکلے نہ جب افسردہ دلوں سے
بچنے کی پھر اک راہ نکالیں گے رگوں سے
سنتے ہیں پھر اک روز سنائی نہیں دیتی
یہ چیخنے چلانے کی آواز گھروں سے


اس دل میں مگر داخلہ ممکن نہیں میرا
ممکن ہے نکل آئیں دیواریں ہی دروں سے
ہر عشق کو ہوتی ہے نئی صبح سے کچھ راہ
ہر ہجر کا رہتا ہے کوئی بیر شبوں سے


درپیش ان آنکھوں کے جنہیں ہوش تھا انہدؔ
آباد ہیں میخانے انہیں بے ادبوں سے