کسی صبح کا تھا منظر سبھی کام جا رہے تھے

کسی صبح کا تھا منظر سبھی کام جا رہے تھے
بڑے شوق سے پرندے تہ دام جا رہے تھے
وہ جدا ہوا تھا جس پل نہیں بھولتا وہ منظر
میں وہیں کھڑا ہوا تھا در و بام جا رہے تھے


مجھے کچھ برا نہیں تھا ترا بازوؤں میں رہنا
مرے کام تھے ضروری مرے کام جا رہے تھے
ترے شوق کی ہوا نے دیے زندگی کو معنے
مرے روز و شب تو ورنہ بڑے عام جا رہے تھے


میں جو بات سوچتا تھا تری ذات سے جڑی تھی
میں جو حرف لکھ رہا تھا ترے نام جا رہے تھے