خوشیاں نہیں تو کیوں کہوں آزار بھی نہیں

خوشیاں نہیں تو کیوں کہوں آزار بھی نہیں
گھر بار کیا کہوں کوئی دلدار بھی نہیں
آباد محفلیں رہیں وقت عروج تھا
سننے کو بات اب کوئی غم خوار بھی نہیں


تھا مہوشوں کا ساتھ تو گل پاشیاں رہیں
تنہا ہوئے تو ملتا کوئی خار بھی نہیں
غم اپنا جس سے بانٹتے تنہائیوں میں ہم
چہرہ شناس اب کوئی دیوار بھی نہیں


جو دل میں آ گیا وہی شہزادؔ لکھ دیا
آساں نہیں تو شاعری دشوار بھی نہیں