ہم تشدد کے استعارے نہیں

ہم تشدد کے استعارے نہیں
کیا کوئی سانپ کو بھی مارے نہیں
منتیں کی تو تھیں یزیدوں سے
میں ندی ہوں مرے کنارے نہیں


ہاتھ میں ہاتھ دے تو آؤں میں
ڈوبنا ہے تو پھر پکارے نہیں
اس سے خود فاصلہ بڑھائے ہیں
ہار جیتی ہے ہم نے ہارے نہیں


تم بنے ہو بڑی محبت سے
رنگ نے خود ہی روپ دھارے نہیں
اب یہ سیلاب روکو قتالو
یہ مرے آنسوؤں کے دھارے نہیں


کشتیاں میں جلا چکا ہوں مگر
اس کو سمجھاؤ یوں پکارے نہیں
یہ ہی ثابت کرو کہ سو جائیں
ہو کسی اور کے ہمارے نہیں