ہجرتوں کے گلاب دیکھے ہیں

ہجرتوں کے گلاب دیکھے ہیں
ہم نے سارے عذاب دیکھے ہیں
ہم سے پوچھو کہ دکھ کی موج ہے کیا
ہم نے پیہم حباب دیکھے ہیں


اپنی ناکامیوں پہ روتے ہو
ہم سے خانہ خراب دیکھے ہیں
اک سمندر کی پیاس تھی مجھ میں
اور میں نے سراب دیکھے ہیں


میرے ہاتھوں کی ان لکیروں میں
جس نے دیکھے عذاب دیکھے ہیں
خود کو دیکھا ہے غور سے ہم نے
لوگ کم ہی خراب دیکھے ہیں


ہم فقیروں سے پوچھتے کیا ہو
ہم نے عالی جناب دیکھے ہیں