حسرت سے قمر تکتا تھا خورشید مبیں تھا

حسرت سے قمر تکتا تھا خورشید مبیں تھا
اک شخص یہاں اتنا حسیں اتنا حسیں تھا
جو شخص مرے ہاتھ میں تھا سات برس تک
افسوس وہ ہاتھوں کی لکیروں میں نہیں تھا


آہا وہ مرا شعلہ بدن اس کی وہ بانہیں
اف میرا مقدر کہ میں اک وقت کہیں تھا
اک خوشبو نے موسم نے ہوا نے مجھے بولا
تو آتا ذرا پہلے کہ وہ شخص یہیں تھا


اک رنگ کا موسم ہی رہا کرتا تھا صابرؔ
جب آسماں تھا اس کا میں وہ میری زمیں تھا