ہر شخص گنہگار ہے معلوم نہیں کیوں

ہر شخص گنہگار ہے معلوم نہیں کیوں
آنگن میں بھی دیوار ہے معلوم نہیں کیوں
جس پر تھا بھروسہ کہ حفاظت وہ کرے گا
فطرت سے ہی لاچار ہے معلوم نہیں کیوں


اس سے تو مجھے کوئی شکایت ہی نہیں ہے
مجھ سے ہی وہ بیزار ہے معلوم نہیں کیوں
کرنی تھی اسے سچ کی حمایت ہی مگر وہ
مجرم کا طرفدار ہے معلوم نہیں کیوں


بخشی ہے زمیں اس نے حسیں چاند ستارے
مشکل میں یہ سنسار ہے معلوم نہیں کیوں
دل جس کو دیا ہم نے تھا ہم راز سمجھ کر
وہ جاں کا طلب گار ہے معلوم نہیں کیوں