ہر ایک پہلوئے خوش منظری بکھرتا رہا

ہر ایک پہلوئے خوش منظری بکھرتا رہا
وہ آئنے میں بہت دیر تک سنورتا رہا
میں رت جگے کے لئے اس کے پاس آیا تھا
تو پھر وہ کیوں مری آنکھوں میں خواب بھرتا رہا


اگر نہیں ہے یہ میرا شعور دشمن جاں
تو مجھ میں کون تھا جو مجھ سے جنگ کرتا رہا
مری نگاہ میں نیلاہٹیں ہیں پھیلی ہوئی
یہ کیسا زہر مری روح میں اترتا رہا


تمام لوگ ہیں اس تیز دھوپ کے شاکی
میں اپنے جسم کی پرچھائیوں سے ڈرتا رہا