گلوں کو کرتے ہوئے جب کلام دیکھا تھا

گلوں کو کرتے ہوئے جب کلام دیکھا تھا
وہ پڑھ رہے تھے انہی پر سلام دیکھا تھا
کتاب زیست کے صفحے پلٹ رہا تھا میں
جہاں خوشی تھی وہاں تیرا نام دیکھا تھا


مہک رہی ہے ابھی تک یہ زندگی میری
زمین دل پہ گل نا تمام دیکھا تھا
سنا ہے اب بھی وہاں پر گلاب اگتے ہیں
تمہارا رقص جہاں صبح و شام دیکھا تھا


کچھ ایسے دیکھا تمہارے شباب کو میں نے
کسی نے جیسے نظر بھر کے جام دیکھا تھا
وہ ایک وقت تھا تو عاجزی کا پیکر تھا
زمانے بھر میں ترا احترام دیکھا تھا


سزا ملی تھی ہمیں صاف گوئی کی انصرؔ
ہر اک نگاہ میں بس انتقام دیکھا تھا