دوست گلیاں شہر گھر سارے پرانے ہو گئے

دوست گلیاں شہر گھر سارے پرانے ہو گئے
اس تعلق اور محبت کو زمانے ہو گئے
اب کہاں وہ چاہتیں وہ محفلیں وہ رونقیں
ہر کسی کے اپنے اپنے آشیانے ہو گئے


اب نصیحت بوجھ لگتی ہے بزرگوں کی انہیں
شہر میں پڑھ لکھ کے بچے سب سیانے ہو گئے
اس میں سارے رنگ ہیں شوخی ادا اور سادگی
مفت میں تھوڑی نہ سب اس کے دوانے ہو گئے


اس قدر پھیلی ترقی کی وبا اس دور میں
کھیتیاں کل تک جہاں تھیں کارخانے ہو گئے