بوجھ کوئی سر پر لیتے ہیں

بوجھ کوئی سر پر لیتے ہیں
اک الزام ہی دھر لیتے ہیں
ہم کوئی نقاد نہیں ہیں
تھوڑی انگلی کر لیتے ہیں


روزہ رکھنے سے کچھ پہلے
پیٹ میں پانی بھر لیتے ہیں
چھت میں اک سوراخ نہیں ہے
دیواروں سے در لیتے ہیں


پنکھے میں ہاتھ آ سکتا ہے
اور ذرا اوپر لیتے ہیں
چلتے رہتے ہیں گھر بیٹھے
رستے بھر کا ڈر لیتے ہیں


کافی دیر سے جاگ رہے ہیں
اب تھوڑا سا مر لیتے ہیں
دیکھیں آنکھ پتا پاتی ہے
خواب سے اک منظر لیتے ہیں