ابھی مرا تھا ابھی مر کے جی اٹھا ہوں میں

ابھی مرا تھا ابھی مر کے جی اٹھا ہوں میں
جہاں کٹا تھا وہیں سے پنپ رہا ہوں میں
مری صدا ہی مری نیند توڑ دیتی ہے
نہ جانے خواب میں کس کو پکارتا ہوں میں


خیال یار ہے اک بحر‌ بیکراں کی طرح
ذرا سا سوچا تھا اور ڈوب سا گیا ہوں میں
غلط ہے مجھ سے یہ ترتیب روشنی کا گلہ
کہ شام ہی سے ہواؤں میں جل رہا ہوں میں


سمیٹ رکھا ہے دشمن نے مجھ کو ہاتھوں میں
کہ اپنی پیٹھ کے پیچھے بندھا ہوا ہوں میں